Улаанбаатар хотод 2025 оны 10 дугаар сарын 20-ны өдөр буюу ирэх долоо хоногийн Даваа гарагаас эхлэн скүүтер, мопед, цахилгаан дугуй унасан иргэнийг авто замын хөдөлгөөнд оролцуулахгүй гэж Нийслэлийн автотээврийн хэрэгслийн бүртгэл, хяналтын төвөөс мэдээллээ. Ингэснээр ААН-үүд түрээсийн хоёр дугуйт хэрэгслээ гудамж талбайгаас татаж авахаар болж байна. Уг зохицуулалтад ТЦА болон теле камераар хяналт тавих аж.
Замын цагдаагийн дарга хурандаа С.Галбадрах мэдээлснээр хүйтний улиралд буюу тухайн оны 10 дугаар сарын 1-нээс дараа оны 4 дүгээр сарын 1-н хүртэл хоёр дугуйт тээврийн хэрэгслээр замын хөдөлгөөнд оролцохыг хориглодог байна.
