Хөдөө аж ахуйн биржид 3.1 тэрбум төгрөгийн төсвийн хөрөнгөөр 52 хүнд орон сууцны урьдчилгаа өгсөн нь аудитын шалгалтаар илэрснийг Үндэсний аудитын газрын Санхүү, нийцлийн аудитын газрын захирал Ц.Наранчимэг мэдээллээ.
Тодруулбал, төрийн албан хаагчдыг орон сууцаар хангахтай холбоотой шийдвэр, шалгуур, журмыг зөрчсөн байдал илэрсэн аж. Илэрсэн зөрчилд холбогдуулан Хөдөө аж ахуйн биржид албан шаардлага, зөвлөмж хүргүүлсэн бөгөөд зарим асуудлыг хууль хяналтын байгууллагад шилжүүлэх эсэхийг судалж байгаа талаар аудитын байгууллагаас мэдээлсэн байна.
Мөн зарим ноцтой зөрчлийг хууль хяналтын байгууллагад шилжүүлэх асуудлыг судалж байгаа талаар дурдсан юм. Үндэсний аудитын газраас цаашид төрийн өмчит байгууллагуудын санхүүгийн ил тод байдал, хариуцлагыг нэмэгдүүлэх шаардлагатайг анхаарууллаа.
