Олимпын эсрэг жагсагчид Милан хотын гудамжаар тайван жагсаж, уриа лоозон барин, гар гараасаа барьж, дуулж бүжиглэж байв. Харин шөнө болохын хэрээр зарим жагсагчид цагдаа болон тэдний тээврийн хэрэгслийг онилон дайрч, улмаар байдал хурцдаж, албаныхан нулимс асгаруулагч хий, усан их буу хэрэглэн эсэргүүцэгчдийг тараасан байна.
Энэ явдалтай зэрэгцэн, Италийн хойд хэсгийн төмөр замын шугамуудад гарсан хэд хэдэн хэргийг эрх баригчид тусад нь шалгаж байгаа бөгөөд тэдгээр нь зохион байгуулалттай хорлон сүйтгэх ажиллагаа байж болзошгүй гэж болгоомжилж байна.
Ням гараг (2026.02.08)-нд Италийн Ерөнхий сайд Жоржиа Мелони сошиал сүлжээндээ АНУ-ын хэвлэлүүдийн жагсаалын тухай мэдээг хуваалцан, жагсагчдыг “Итали болон италичуудын дайснууд” хэмээн буруутгав. “Цагдаа нар, Милан хот, мөн эдгээр гэмт бүлэглэлүүдийн улмаас хөдөлмөр нь үр дүнгүй болох бүх хүмүүст эв санааны нэгдлийг хүсье” гэж тэр бичжээ.
Олимпын зохион байгуулагчдыг эсэргүүцсэн уг жагсаалд Милан хот, Ломбарди бүс нутаг болон хойд Италийн бусад газраас ирсэн бүлгүүд оролцсон байна. Жагсагчид Олимпын байгууламж барьснаар байгаль орчинд үзүүлэх сөрөг нөлөө, мөн олимпын наадам эдийн засаг, нийгэмд “хор хөнөөл учруулна” гэж үзэж буйгаа илэрхийлжээ.
