НҮБ-ын Цөлжилттэй тэмцэх конвенцын Талуудын 17 дугаар бага хурал буюу COP17 нь 2026 оны 8 дугаар сарын 17-ноос 28-ны өдрүүдэд Улаанбаатар хотноо зохион байгуулагдаж байна.
Энэхүү томоохон хэмжээний олон улсын хурлын үеэр болж буй гол үйл явдлууд болон иргэдэд зориулсан зохицуулалтуудыг багцлан хүргэж байна.
🚗 Зам тээвэр, хөдөлгөөний зохицуулалт
- Зогсоолын хязгаарлалт: Хурлын өдрүүдэд замын хөдөлгөөний ачааллыг бууруулах зорилгоор “Дүнжингарав” худалдааны төв болон “Нарантуул” захын автомашины зогсоолуудыг түр хугацаагаар хаасан байна.
- Үнэ төлбөргүй автобус: Иргэдийг зорчих нөхцөлөөр хангахын тулд Дүнжингарав худалдааны төвөөс хурлын байршил руу хоёр чиглэлд богино эргэлтийн автобус үнэ төлбөргүй үйлчилж байна.
- Цахилгаан машины давуу тал: Хурлын өдрүүдэд хэрэгжиж буй тэгш, сондгой дугаарын хязгаарлалтад бүрэн цахилгаан тээврийн хэрэгслүүд хамрагдахгүй, чөлөөтэй зорчиж байна.
🌳 Хурлын онцлох үйл явдлууд
- Сэтгэл хөдөлгөсөн агшин: “Ногоон бүс”-ийн нээлтийн үеэр Хөвсгөлийн Их тайгын байгаль хамгаалагч Ж.Төмөрсүх эх нутаг, байгаль дэлхийгээ хайрлах тухай шүлэг, сэтгэлийн үгээ хэлэх үед түүнийг орчуулж байсан залуу орчуулагч бүсгүй сэтгэлээ барьж чадалгүй нулимс унагасан нь олон нийтийн сүлжээнд хүчтэй хандалт авч байна.
- Ногоон дата төв: Монгол Улсын Ерөнхий сайд Н.Учралын мэдээлснээр, хурлын үеэр Монголд хиймэл оюун ухааны (AI) ногоон дата төв байгуулах чиглэлээр багадаа 2 тэрбум ам.долларын хөрөнгө оруулалт татахаар ажиллаж байна.
- Олон улсын павилионууд: Бага хурлын талбайд дэлхийн 22 улс өөрсдийн павиолионыг ажиллуулж, байгаль орчин, цөлжилтийн эсрэг хэрэгжүүлж буй төсөл хөтөлбөрүүдээ танилцуулж байна.
- Хотын дарга нарын чуулга уулзалт: COP17-ын хүрээнд энэ сарын 20-22-ны өдрүүдэд олон улсын “Хотын дарга нарын чуулга уулзалт”-ыг Улаанбаатар хотноо зохион байгуулахаар төлөвлөжээ.
🏥 Эрүүл мэнд, аюулгүй байдал
- Эмнэлгийн бэлэн байдал: Хурлын цэнхэр болон ногоон бүсүүдэд эрүүл мэндийн 4 цэг, хөдөлгөөнт 4 баг, түргэн тусламжийн 7 автомашин ажиллаж байна.
- Шаардлагатай тохиолдолд гадаад, дотоодын төлөөлөгчдөд тусламж үзүүлэхээр лавлагаа шатлалын 9 эмнэлгийг бэлэн байдалд оруулсан байна.
Та COP17 хурлын талаарх дэлгэрэнгүй гарын авлага, мэдээллийг Unread Today Сэтгүүл дээрээс унших боломжтой.
