Улсын заан Мөнхтөрийн Лхагвагэрэл найм давж сар шинийн барилдаанд түрүүллээ

XVII жарны “Сүрээр дарагч” хэмээх гал морин жилийн сар шинийн хүчит 256 бөхийн барилдаанд улсын заан М.Лхагвагэрэл найм давж түрүүлж, улсын аварга О.Хангай үзүүрлэлээ.

МУГТ М.Лхагвагэрэл нь Завхан аймгийн Яруу сумаас гаралтай, 1998 оны нэгдүгээр сарын 4-нд төрсөн. Түүний аав Мөнхтөр аймгийн арслан цолтой бөх. М.Лхагвагэрэл аав шигээ сайн бөх болохыг мөрөөдсөөр 10 настай байхдаа үндэсний бөхөөр хичээллэж эхэлсэн байнө. Түүний анхны багш нь улсын начин Б.Адъяахүү. Үндэсний бөх, чөлөөт бөхөөр 2013 оноос хослуулан барилдаж байгаа билээ.