“Night Marathon Ulaanbaatar 2026” бол зүгээр нэг гүйлтийн тэмцээн бус хүмүүсийг спортоор дамжуулан нэгтгэж, хотынхоо орон зайг өөр өнцгөөс мэдрэх боломжийг бүрдүүлж байгаа арга хэмжээ” гэж нийслэлийн Төрийн үйлчилгээний чанар хариуцсан зохицуулагч Б.Сэмжидмаа хэлжээ. Цаашид энэхүү арга хэмжээ жил бүр зохиогдох юм байна.
Тус арга хэмжээ нь автомашины хэрэглээг бууруулах, иргэдийг идэвхтэй хөдөлгөөн, эрүүл амьдралын хэв маягт уриалах, гүйлтийн спортыг олон нийтэд түгээн дэлгэрүүлэх зорилготой. Мөн спортыг хөгжим, гэрэл зураг, энтертайнмент болон хотын шөнийн орчинтой хослуулсан шинэ төрлийн фестивалийн хэлбэрээр зохион байгуулж буйгаараа онцлог юм.
