Ерөнхий боловсролын сургуулиудад сурах бичгийн цахим бүртгэл, хяналтын системийн шийдлийг боловсруулан улсын хэмжээнд нэвтрүүлэх ажил зохион байгуулагдсан билээ. Энэхүү ажлыг хэрэгжүүлж ажиллаж байсан Засгийн газрын хэрэгжүүлэгч агентлаг Боловсролын ерөнхий газрын ЕБС-ын сурах бичгийн түрээсийн үйлчилгээ хариуцсан мэргэжилтэн нь төрийн албаны ажилтны ёс зүйг ноцтой зөрчиж, өөрийн гэр бүлийн гишүүний дансаар болон бусад байдлаар нэмэлт урамшуулал авсан тухай авлига ашиг сонирхлын зөрчилтэй байж болзошгүй албан бичиг, хэрэгт холбогдох нотлох баримтыг АТГ-т хүлээлгэн өгсөн талаар Боловсролын сайд П.Наранбаяр мэдэгдлээ.
