Өнгөрөгч 10 дугаар сарын 23-нд The MongolZ CS2 багийн тоглогч Senzu-г албан ёсоор “Inactive” статуст шилжүүлж байгааг зарласан. Түүнчлэн түүний оронд Chinggis Warriors багийн тоглогч “controlez” буюу Б.Өнөдөлгэрийг тэмцээнд оролцуулахаа мэдэгдсэн билээ.
Senzu-г сэлгээ рүү шилжүүлснээс хойш The MongolZ баг анхны тэмцээндээ оролцох гэж байна. Тэдний оролцож буй IEM Chengdu 2025 тэмцээний эхний тоглолт өнөөдөр буюу 11 сарын 3-ны 15:00 цагт Heroic багийн эсрэг болно.
Тэгвэл БНХАУ-ын Чэндү хотод болж буй тус тэмцээнд The MongolZ багийн дасгалжуулагч Maaraa оролцохгүй аж. Дасгалжуулагч Maaraa-гийн хувьд хувийн шалтгааны улмаас тус тэмцээний эхний хоёр тоглолтыг өнжих юм.
