Төрийн үйлчилгээг хүнд сурталгүй, ил тод, түргэн шуурхай болгож байгаа E-Mongolia цахим систем шинэчилсэн 5.0 хувилбарт шилжлээ. Энэ хувилбар нь техник технологийн сайжруулалтаас гадна Иргэн төвтэй төрийн үйлчилгээг дараагийн шатанд гаргаж байна. 5.0 хувилбар нь хиймэл оюун ухаанд суурилсан чатбот, цахим хэтэвч, төлбөр тооцооны цогц үйлчилгээ, олон хэлээр лавлагаа гаргаж авах боломж, хөгжлийн бэрхшээлтэй иргэдэд зориулсан тусгай тохиргоо, шинэ төрлийн үйлчилгээнүүд зэрэг илүү дэвшилтэт, хүртээмжтэй шийдлүүдийг багтаажээ.
